Флорентино Перес: "Бугун футбол оламидаги энг истеъдодли футболчилардан бири клубимизга қўшилди

Флорентино Перес "Реал"да Франко Мастантуонони кутиб олди.

Бугун 18 ёшли ярим ҳимоячининг "Реал" футболчиси сифатидаги тақдимоти бўлиб ўтди. Мастантуоно "Ривер Плейт"дан 45 млн евролик товон пули эвазига трансфер қилинди.

"Бугун ўзига хос ҳиссиётлар куни, сўнгги йилларда футбол оламида пайдо бўлган энг истеъдодлардан бири клубимизга ўтмоқда. Қадрли Мастантуоно, табриклайман, чунки бугун туғилган кунингизда орзуингиз рўёбга чиқмоқда.

"Реал" билан тарихан боғлиқ бўлган "Ривер Плейт" ҳақида алоҳида тўхталиб ўтмоқчиман. Бугун сиз "Реал"да ўйнаган аргентиналик футболчиларнинг нуфузли рўйхатига қўшиласиз.

Бугундан бошлаб сиз 15 карра Европа чемпионларининг оқ либосини киясиз. Биз билан бўлишни истаётганингиз учун катта раҳмат", - деди "Реал" президенти.