Florian Virts nega “Liverpul”ni tanladi? Asosiy omil aniqlandi

Yangi mavsumda "Bayer" yarim himoyachisi Florian Virts "Liverpul" safiga o‘tishi mumkin. Tomonlar transfer yuzasidan muzokara olib bormoqda.

Jurnalist Kristian Falkning ma’lum qilishicha, Virtsning qaror qabul qilishdagi asosiy sababi — yangi bosh murabbiy Arne Slot unga jamoada "o‘nchi raqam" (playmaker) rolini taklif qilgani bo‘lgan.

"Florian uchun hal qiluvchi omil — Arne Slot unga "Liverpul"da hujumni boshqaruvchi asosiy figura sifatida qarayotgani bo‘ldi.

Agar u "Bavariya"ni tanlaganida, bu rolni Jamal Musiala bilan bo‘lishishiga to‘g‘ri kelardi. Murabbiylar bilan bo‘lgan muzokaralar hal qiluvchi ahamiyatga ega bo‘ldi" – dedi Kristian Falk.