Флориан Вирц узоқ кутилган дебют голидан сўнг нималар деди?

"Ливерпуль" ҳужумкор ярим ҳимоячиси Флориан Вирц Англия Премьер-лигасининг 18-туридан ўрин олган ўйинда жамоаси сафида расмий ўйинларда урган илк голи ҳақида гапирди. "Ливерпуль" "Вулверхэмптон" устидан 2:1 ҳисобида ғалаба қозонди.

"Бир куни гол уришимга ишончим комил эди. Мен гол уришни ва голли узатмаларни беришни эртароқ бошламоқчи эдим, аммо шундай бўлиб қолди ва мен бунга кўникишим керак. Мен шунчаки шундай бўлишини билардим ва шу руҳда давом этишга ҳаракат қилардим. Биринчи бўлимни ажойиб ўтказдик. Ўйинда бироз адашдик, лекин кейин қайтиб келдик. Ҳамма тиришқоқлик билан ишлади. Биз айнан шундай йўл тутмоқчимиз. Биз шу ерда турнир жадвалининг энг юқори поғонасида бўлишни истаймиз. Мавсумни бошлаш биз учун осон бўлмади, аммо олдинга силжиб, очколарни қўлга киритяпмиз",- деди Вирц.

Жорий мавсумда футболчи клуб сафида барча мусобақаларда 23 та ўйинда майдонга тушиб, битта гол урди ва тўртта голли узатмани амалга оширди.