Фоден "Манчестер Сити" тарихига кирди

Англия премьер-лигасининг 26-турида "Манчестер Сити" ўз уйида "Ньюкасл"ни қабул қилиб, 2:0 ҳисобида ғалаба қозонди.
Ушбу баҳсда Фил Фоден гол урди. Англиялик футболчи бу голи билан "Манчестер Сити" тарихида 50 та фойдали ҳаракат амалга оширган энг ёш футболчига айланиб олди. Фоден "шаҳарликлар" либосида 33 та гол ва 17 та самарали узатма амалга оширган. У ушбу кўрсаткичга 22 ёшу 280 кунлигида эришди.
Эслатиб ўтамиз, Гвардиола шогирдлари АПЛ турнир жадвалида 58 очко билан иккинчи ўринда бормоқда.