Фонсека: "Бизнинг хатомиз – ғалабага эрта ишониш бўлди"

"Лион" бош мураббийи Паулу Фонсека Европа лигаси чорак финали жавоб учрашувида "Манчестер Юнайтед"га қарши кечган драматик мағлубият (4:5, қўшимча вақтда) ҳақида фикр билдирди.

"Нима бўлганини тушунтириш қийин. Ҳамма нарса биз томонда эди – бир футболчи кам бўлишимизга қарамай 4:2 ҳисобида олдинда эдик. Аммо биз ғалабани жуда эрта байрам қилдик. Ўйин ҳали тугамаганди. Биз жуда эрта ютдик, деб ўйладик. Бу ерда бизга тажриба етишмади.

Пенальтидан кейин МЮ футболчилари босимни кучайтиришди, тўпни доим жарима майдонига узатишди. Биз бу босимга чидамадик" – дея ўз фикрлари билан ўртоқлашди португалиялик мураббий.