Формула-1. Пойга старти об-ҳаво туфайли кўчирилди
Аввалги старт вақти тунги 01:00 эди
Майами Гран-приси ташкилотчилари 3 май, якшанба куни бўлиб ўтадиган Формула-1 пойгасининг бошланиш вақти кўчирилганини расман эълон қилди.
"ФИА, ФОМ ва Майами Гран-приси промоутерлари иштирокида ўтказилган йиғилишдан сўнг, куннинг иккинчи ярмида кучли ёмғир ёғиши кутилаётган об-ҳаво маълумоти туфайли пойгани маҳаллий вақт билан соат 13:00 га кўчириш тўғрисида қарор қабул қилинди", - дейилади ФИА расмий баёнотида.
Шундай қилиб, пойга Тошкент вақти билан соат 22:00да бошланади. Аввалги старт вақти тунги 01:00 эди.
Қарор пойгага об-ҳавонинг мумкин бўлган таъсирини минималлаштириш ва Майами Гран-присини энг яхши шароитларда ўтказиш учун имкон қадар кенг вақт оралиғини таъминлаш, шунингдек, пойгачилар, мухлислар, жамоалар ва ходимларнинг хавфсизлигини таъминлаш учун қабул қилинди.
Изоҳлар (0)