Fotograflar uchun xushxabar! "O‘zbekiston” o‘yingohiga 2000 lyuksli yoritish tizimlari o‘rnatilmoqda (Foto)

2021 yilgi mavsumda ilk bor O‘zbekiston Superligasida ishtirok etayotgan “Turon” futbol klubining uy o‘yingohi hisoblanadigan "O‘zbekiston" arenasi FIFA standartlariga mos xolga keltirilmoqda.

"Turon" klubi matbuot xizmatining xabariga ko‘ra, ayni damda "O‘zbekiston" o‘yingohida 4x8 m o‘lchamda ulkan “UZLED” elektron monitori foydalanishga topshirilgan bo‘lsa, yorug‘lik darajasi 2000 lyuks bo‘lgan “Philips” svetodiod yoritish tizimi o‘rnatish ishlarining so‘ngi bosqichi amalga oshirilmoqda.

Qolaversa, "O‘zbekiston" o‘yingohida futbol muxlislari uchun yangi tribunalar qurib bitkazildi. Klubimiz nomi aks ettirilgan mazkur tribunalar sig‘imi 4000 tomoshabin uchun mo‘ljallangan.