Франческо Тотти: "Биз тарихдаги энг яхши футболчилардан бири ҳақида гапиряпмиз"

Италиялик собиқ футболчи Франческо Тотти Роналду ва унинг атрофидаги гапларга муносабат билдирди.

"Мен карьерада юқори босқичдан бирданига четга чиқиб қолиш нима эканлигини яхши биламан. Роналду бошидан ўтказган сўнгги ойларга қарасам, ўз фаолиятимни қайта бошдан кечираётганимдек бўламан.

Менимча, у кўпроқ ҳурматга лойиқ.
Ҳар доим ташқаридан гапириш осон, лекин нима бўлаётганини фақат у билади.

Ҳар ҳолда, биз тарихдаги энг кучли футболчилардан бири ҳақида гапиряпмиз", - дейди собиқ римликлар сардори.

Эслатиб ўтамиз, португалиялик футболчи МЮни тарк этгач, ҳозирча унинг хизматларига "Ал-Насср"дан бошқа ҳеч қайси клуб қизиқиш билдирмаяпти.
Бундан ташқари жаҳон чемпионатида Сантуш билан боғлиқ келишмовчиликлар бўлиб ўтди.