Франк: "Натижа кутилганидек бўлмади, лекин ўйинни ёмон деб ҳисобламайман"

"Тоттенхэм" бош мураббийи Томас Франк Англия Премьер-лигасида "Бёрнли"га қарши баҳсдан (2:2) кейин жамоа ўйинига баҳо берди. Учрашув сўнгида "шпорлар" мухлислари мураббийга нисбатан норозилик билдириб, уни истеъфога чиқишга чақиришди.

— Сизнинг истеъфоингизни талаб қилган мухлисларга қандай мурожаат қилган бўлардингиз? Жамоа деярли Чемпионлар лигаси 1/8 финалига чиққан бўлса-да, бу яна бир омадсиз ўйин бўлдими?

— Сиз "яна бир омадсиз ўйин" дедингизми? Мен буни ёмон ўйин деб ҳисобламайман. Балки натижа биз кутганидек бўлмагандир. Аммо бутун ўйин давомида, айниқса биринчи таймда жамоанинг ўйини яхши бўлди. Учрашув охиридаги ҳаракатларимиз ҳам ёмон эмас эди. Иккинчи тайм ўртача даражада ўтди, бундай ўйинларни сиз кўп бор кўргансиз.

Афсуски, ҳаммасини икки эпизод ҳал қилди — ушбу вазиятларда биз ҳимояда етарлича яхши ўйнай олмадик. Ҳозир айнан шу жиҳат устида жуда кўп ишлаяпмиз. Шу билан бирга, ҳам Чемпионлар лигасида, ҳам Премьер-лигада муносиб иштирок этиш учун бор кучимизни сарфлаяпмиз. Бу — ҳозирги реал ҳолат.

— Учрашув охирида яна сизга қарши чиққан мухлисларга нима дейсиз?

— Мухлисларга мурожаатим ҳар доимгидек: биз тўғри йўналишда ҳаракат қилиш учун жуда қаттиқ меҳнат қиляпмиз ва бу ишни давом эттирамиз, — деди Франк.