Frantsiya prezidenti Emmanuel Makron jarohatlangan Kilian Mbappening ahvoli bilan qiziqdi

Kilian Mbappe PSJning mamlakat Kubogidagi g‘olibligidan so‘ng Frantsiya prezidenti Emmanuel Makron bilan suhbatlashdi.

Bahsning 27-daqiqasida himoyachi Loik Perren Mbappega nisbatan qo‘pollik ishlatdi va hujumchi o‘yinni davom ettira olmadi.

Taqdirlash marosimiga qo‘ltiqtayoq bilan chiqqan Mbappe va prezident Makron o‘rtasida kichik suhbat bo‘lib o‘tdi.

- Ahvoling yaxshimi? - so‘radi prezident.

- Hamon og‘riq sezyapman.

- Singan joyi bor, deb o‘ylaysanmi?

- Yo‘q, menimcha unday emas.

- Kasalxonaga borasanmi?

- Ha, marosimdan so‘ng darhol ketaman, - deydi Mbappe.