Франция қароргоҳини тарк этган Бензема соҳил бўйида дам олмоқда

Жароҳат туфайли Франция миллий терма жамоасининг Қатардаги қароргоҳини тарк этган Карим Бензема бироз дам олмоқчи.

Маълум бўлишича, "Олтин тўп" соҳиби Ҳинд океанидаги ороллардан бирига учиб борган ва бир неча кун вақтини ўша ерда ўтказишни мақсад қилган. У аввал ҳам бу ерга келганди. Ўшанда Карим бахтсиз ҳодисага учраган.

Бир неча кун олдин Бенземанинг "Реал" машғулотларига қайтиши ва ўз спорт формасини имкон борича тезроқ яхши ҳолатга қайтаришга ҳаракат қилиши тахмин қилинаётганди. Аммо "уч ранглилар" бош мураббийи Дидье Дешам Франция Карим хизматидан фойдаланишни режалаштирмаётганини маълум қилди.

Францияликлар ўз гуруҳида 6 очко тўплаб, муддатидан олдин кейинги босқич масаласини ҳал этди.