Францияда Ҳусанов бўйича маълумот чиқаришди
Европа лигаларида ФИФА куни муносабати билан қисқа муддатли танаффус эълон қилинди. Ўз юрти терма жамоаларига жалб қилинган футболчилар икки ҳафта давомида клуб машғулотларида иштирок этмайди.
Улар терма жамоа йиғинлари ва турли даражадаги халқаро учрашувларда ўзини кўрсатиши талаб этилади.
Франция футболини ёритиб келаётган lensois.com сайти “Ланс” таркибидан терма жамоаларга жалб қилинган футболчилар ҳақидаги маълумотларни чиқарди.
- “Ланс” ҳам бир неча ўйинчиларини халқаро учрашувларга юборди. Улар ҳафта охиридаги машғулотлар ва назорат учрашувларини ўтказиб юборади.
Жамоанинг асосий таркибидан саккиз футболчи турли мамлакатлар терма жамоаларига чорлов олди. Улар қаторида истеъдодли ёш ўйинчи Кембо Диливиди 19 ёшгача футболчилардан таркиб топган Франция терма жамоасига чақиртирилди.
Эътиборли жиҳати, “Ланс” раҳбарияти “Булонь”га ижарага берган дарвозабон Янник Пандор ва Швецариянинг “Ивердон” клубига жўнатилган ярим ҳимоячи Фоде Силла каби ёш истеъдод эгалари ҳам терма жамоалардан таклиф олган.
Асосий жамоа вакилларидан Дейвер Мачадо, Факундо Медина ва Нампалис Менди мос равишда Колумбия, Аргентина ва Сенегал терма жамоаларига жалб қилингани йўқ.
Эътиборга молик жиҳати Мбала Нзола бир ярим йиллик танаффусдан кейин яна Ангола терма жамоасидан чақирув олди, - деб ёзмоқда lensois.com сайти эксперти Кристоф Шаад.
Шунингдек, ПСЖ билан ўйинда қизил карточка олган Абдуқодир Ҳусанов ҳам ўйин амалиётисиз қолмайди ва Ўзбекистон миллий терма жамоаси сафида 2026 йилги жаҳон чемпионатининг иккита муҳим учрашувида иштирок этади.
Гап шундаки, Франция профессионал футбол лигаси Тартиб-интизом қўмитаси легионеримиз иккита учрашувга дисквалификация қилган. Абдуқодир “Ланс”нинг “Нант”га қарши ўйинини ўтказиб юборди. Яна 23 ноябрга белгиланган “Марсель” билан бўладиган беллашувда ҳам қатнашмайди. Бироқ терма жамоамизда ўзини кўрсатиш имконига эга.
“Ланс”дан терма жамоаларга чақиртирилган футболчилар рўйхати ва ўйинлар тақвими қуйида келтирилган.
Брис Самба (Франция):
Франция - Исроил, 14 ноябрь, Миллатлар лигаси.
Италия - Франция 17 ноябрь, Миллатлар лигаси.
Энди Диуф (Франция ёшлар терма жамоаси):
Италия - Франция, 15 ноябрь, Евро саралаши.
Франция - Германия 19 ноябрь, Евро саралаши.
Пшемислав Франковски (Польша):
Португалия - Польша, 15 ноябрь, Миллатлар лигаси.
Польша - Шотландия 18 ноябрь, Миллатлар лигаси.
Кевин Дансо (Австрия):
Қозоғистон - Австрия 14 ноябрь, Миллатлар лигаси.
Австрия - Словения 17 ноябрь, Миллатлар лигаси.
Абдуқодир Ҳусанов (Ўзбекистон):
Қатар - Ўзбекистон 14 ноябрь, 2026 йилги жаҳон чемпионати саралаши.
Шимолий Корея - Ўзбекистон 19 ноябрь, 2026 йилги жаҳон чемпионати саралаши.
Жоаннер Чавес (Эквадор):
Эквадор - Боливия 15 ноябрь, 2026 йилги жаҳон чемпионати саралаши.
Колумбия - Эквадор 20 ноябрь, 2026 йилги жаҳон чемпионати саралаши.
Мбала Нзола (Ангола):
Ангола - Гана, 15 ноябрь, Африка миллатлари кубоги саралаши.
Судан - Ангола, 18 ноябрь, Африка Миллатлари кубоги саралаши.
Эрве Коффи (Буркина-Фасо):
Буркина-Фасо - Сенегал, 14 ноябрь, Африка миллатлари кубоги саралаши.
Малави - Буркина-Фасо, 18 ноябрь, Африка миллатлари кубоги саралаши.
Кембо Диливиди (Франция U-19):
Франция - Лихтенштейн 13 ноябрь, Евро саралаш турнири 1-босқич.
Франция - Уэльс 16 ноябрь, Евро саралаш турнири 1-босқич.
Шотландия - Франция 19 ноябрь, Евро саралаш турнири 1-босқич.
Янник Пандор (Комор ороллари):
Гамбия – Комор ороллари, 15 ноябрь, Африка миллатлари кубоги саралаши.
Комор ороллари - Мадагаскар, 18 ноябрь, Африка миллатлари кубоги саралаши.
Фоде Силла (Франция U-19):
Франция - Лихтенштейн 13 ноябрь, Евро саралаш турнири 1-босқич.
Франция - Уэльс 16 ноябрь, Евро саралаш турнири 1-босқич.
Шотландия - Франция 19 ноябрь, Евро саралаш турнири 1-босқич.
Эслатиб ўтамиз, Абдуқодир Ҳусанов 2023 йилнинг ёзидан бери Ўзбекистон миллий терма жамоасига жалб қилинмоқда ва ҳозирга қадар халқаро миқёсда 16 та учрашувда иштирок этган.
Бош мураббийсиз қолган “Рома” Шомуродов ва яна бир неча футболчига жавоб бериб юборди
Файзуллаев ва Европа: Аббосга икки хил баҳо!
Фикрлар