Францияда мавсумнинг энг яхши футболчилари аниқланди

Франция профессионал футболчилари миллий иттифоқи душанба куни мавсум якунлари бўйича энг яхшиларни тақдирлади.

Унга кура, "Бавария" футболчиси Майкл Олисе хорижда тўп сурган энг яхши француз деб топилди. Лига 1’нинг энг яхши ёш футболчиси совринини эса, кетма-кет иккинчи йил ПСЖ футболчиси Дезире Дуэ қўлга киритди. Чемпионатнинг энг яхши футболчиси номинациясидаги мукофотга келсак, уни ҳам кетма-кет иккинчи йил ПСЖ ҳужумчиси Усмон Дембеле қўлга киритди.

Эслатиб ўтамиз, Дембеле Лига 1’нинг энг чиройли голи учун ҳам совринни ютган. Энрике шогирдлари келаси ўйинини 13 май куни меҳмонда "Ланс"га қарши ўтказади.

Абдувалиев Азизбек