"Freestyle Chess Grand Slam Paris". Чорак финал натижалари билан танишинг!

Хабарингиз бор, Франциянинг Париж шаҳрида "Freestyle Chess Grand Slam" турнири бўлиб ўтмоқда. Мусобақа доирасидаги Нодирбек Абдусатторов ва Магнус Карлсен жуфтлиги доирасидаги чорак финал жавоб баҳси ўз ниҳоясига етди. 

Биринчи баҳсда мағлуб бўлган Нодирбек бугунги қарама-қаршиликда ғалабага яқин келди. Бироқ, норвегиялик шахматчи   вазиятни дуранг қилиш имконини топди ва ярим финал йўлланмасини қўлга киритди.

Энди Нодирбек мусобақани бешинчи ўрин учун курашда давом эттиради. Рақиб эса франциялик гроссмейстер Максим Ваше-Лаграв.

Чорак финал натижалари билан танишинг:

"Freestyle Chess Grand Slam" турнирининг чорак финал баҳслари якунига етди. Саралаш босқичида кучли тўртликда бўлган шахматчилардан фақат Магнус Карлсен ярим финалга йўл олди.

Накамура-Эригаиси ва Каруана – Ваше-Лаграв жуфтликларида ғолиблик АҚШ вакилларига насиб этди.Непомниачтчи – Кеймер жуфтлигида эса асосий ўйинларда кучлар тенг келди. Аммо тай-брекда устунлик Винцент Кеймер томонида бўлди. У биринчи партияни ютди ва иккинчисида дуранг натижа билан якунлаб, ярим финалга йўл олди.

Ярим финалда:

Кеймер – Накамура

Карлсен – Каруана

5-ўрин учун:

Нодирбек - Ваше-Лаграв
Аржун - Непомниачтчи

9-ўрин учун:

Прагнанандҳа - Раппорт

Эслатиб ўтамиз, барча ўйинлар 16:00 да старт олади.