Френки Де Йонг "Барселона"ни тарк этадими? Клуб президенти изоҳ берди

Каталониянинг "Барселона" жамоаси ярим ҳимоячиси Френки Де Йонг тез орада бошқа жамоага ўтиши мумкинлиги ҳақидаги миш-мишлар урчиб кетгани боис, Жоан Лапорта воқеага изоҳ берди.

"Тўғриси, бир нима дейиш қийин. Кучли футболчиларни жамоамизда қолиш қолмаслиги сўроқ остида. Ҳозир биз учун энг муҳими клубнинг молиявий аҳволини ўнглаш. "Барселона"ни аввалги даражага олиб чиқиш учун қўлдан келган барча ишни қиламиз.",-дея Лапортадан "Cataluniy Radio" иқтибос келтиради.

Эслатиб ўтамиз, Френки 2019-йилнинг ёзида "Аякс"дан "Барса" сафига келиб қўшилган. 25 ёшли футболчи жорий мавсумда 31 учрашувда ўйинга тушиб 3 гол ва яна шунча ассист қайд этган.