Френки де Йонг ҳануз жароҳатдан тўлиқ тузалмаган!

"Барселона" ярим ҳимоячиси Френки де Йонг жароҳатдан тикланиш жараёнида. 28 ёшли футболчи февраль ойи охиридан буён тизза ости пайининг шикастланиши сабаб майдонга туша олмайди.

"Que T'hi Jugues" маълумотларига кўра, нидерландлик футболчи Чемпионлар лигаси чорак финалида Мадриднинг “Атлетико”сига қарши биринчи учрашувга тайёр бўлмайди. Испания Ла Лигаси доирасидаги "Эспаньол"га қарши баҳсга футболчининг қайтиши режалаштирилган, аммо бош мураббий Ханс-Дитер Флик бу ўйинда ҳам уни эҳтиёт учун сафарбар қилмаслиги мумкин.

Шанба куни "кўк-анорранглилар" чемпионат доирасида "Атлетико" меҳмони бўлиб, ғалаба қозонди (2:1). Чоршанба куни Чемпионлар Лигасида "матрасчилар" билан уй жанги, 11 апрель куни эса "Эспаньол" билан дерби бўлиб ўтади.