Футбол қайтмоқда ёхуд "Спорт" ТВ бугун Жасур Яхшибоевнинг ўйинини жонли эфирда кўрсатади

Хабарингиз бор, бугун ҳамюртларимиз Жасур Яхшибоев ва Шаҳбоз Умаровлар тўп сураётган "Энергетик-БГУ" клуби Беларусь чемпионатининг 2-турида Брестда "Рух" клуби меҳмони бўлади.

"Спорт" телеканали эса ушбу учрашувни жонли эфирда намойиш этишни режалаштирган. Бу ҳақда телеканал шарҳловчиси Бобур Акмалов хабар бермоқда.

"Беларусь чемпионати давом этяпти. Ҳозирча. Икки нафар ҳамюртимиз ўйнаётган Минскнинг "Энергетик-БГУ" клуби бугун Брестнинг "Рух" клуби уйига сафар қилади.

Ўйинни "Спорт ТВ" орқали намойиш этиш режамиз бор. Жонли трансляцияларни соғинганлар учун ажойиб оқшом бўлади, насиб бўлса.

Ўтган турнинг энг яхши ўйинчиларидан бири бўлган, тур рамзий жамоасидан жой олган Жасур Яхшибоев ва Шаҳбоз Умаров ўйинларидан баҳра оламиз.

22:00 да старт. Шарҳда эса... Ўзингиз кўрақолинг!", - деб ёзади Акмалов.

Фикрлар

Фикр қолдириш учун авторизациядан ўтинг!
Asadbek B
27/03/2020 21:11
Katta rahmat Sport kanali rahbariyati man bu o'yinni qaysidir kanal(sport yoki futboltv)olib beriwi juda intiqib kutgandim.Uyida zerikkan ko'pchilikka jonli futbol ko'rish ajoyip bo'lsa kerak.Yana unda porlayotgan O'zbek yigiti e'tibor markazida turgan bo'lsa