Футболчи майдонда жон берди

Кеча Москванинг "Знамя Труда" клуби ёшлар жамоаси иштирокидаги ўйинда фожиали ҳодиси юз берди. Аниқроғи, футболчи Никита Сидоров майдонда жон берди.

“Футбол учрашувидаги фожиа бугун "Торпедо" стадионида юз берди. "Знамя Труда" ёшлар жамоасининг футболчиси бирдан ўзини ёмон ҳис қила бошлади. У деярли бир зумда вафот этди, шифокорларнинг ёрдамини кутишга вақт тополмади. Дастлабки ташхис - бу мия аневризмаси.

Футболчининг оила аъзоларига ва яқинларига ҳамдардлик билдирамиз”, - дейилади клуб баёнотида.

Шунингдек, Россия профессионал футбол лигаси ҳам 18 ёшли футболчининг оиласи ва яқинларига чуқур ҳамдардлик билдирган.

Аневризма – бу маълум вақтдан сўнг портлаши мумкин бўлган “бомба”дир. Бугунги кунда аневризманинг олдини олиш тадбирлари мавжуд эмас. Бош мия томирлари аневризмаси билан касалланган беморлар қон босимларини назорат қилиб туришлари керак.

Матнда хатолик топсангиз, ўша хатони белгилаб, бизга жўнатинг (Ctrl + Enter)