Футболчига пичоқ урган жиноятчига ҳукм ўқилди

Ўтган йили кузда футбол жамоатчилигини ларзага солган воқеа юз берган эди. Лондоннинг “Арсенал” клуби ўйинчиси Пабло Мари пичоқланганди.

Бу мудҳиш воқеа футболчи ижара асосида Франция чемпионатида “Монца” шарафини ҳимоя қилаётган пайтда юз берган.

Номаълум шахс пичоқ билан бир неча одамга ҳужум қилди. Улар орасида Пабло Мари ҳам яраланди. Футболчидан ташқари яна тўрт нафар йўловчи жароҳатланган, кейинроқ улардан бири вафот этди.

Қарийб бир йил давом этган суд жараёни якунланди. Унга кўра, қотил ҳалок бўлган шахснинг отасига 30 минг евро хун тўлайди, яраланганларга 15 минг евродан пул ўтказади.

Бундан ташқари, қотил 19 йилу тўрт ой қамоқ жазосига ҳукм қилинди.

Айни пайтда Пабло Мари футболчилик фаолиятини давом эттирмоқда ва "Монца" футболчиси ҳисобланади.