Футболни бошқарган порахўр раҳбар жазоланди
Халқаро футбол уюшмалари федерацияси – ФИФА раҳбарияти Африка футбол конфедерацияси президенти Аҳмад Аҳмад иши бўйича қарор чиқарди.
Этика қўмитасининг мустақил суд палатаси африкалик раҳбарни ФИФА этика кодексининг қатор моддаларини қўпол тарзда бузган, деб топди. Унга кўра, 60 ёшли Аҳмад Аҳмад беш йил давомида миллий ва халқаро миқёсда футбол билан боғлиқ соҳаларда фаолият юритиши таъқиқланади. Шунингдек, ундан 200 минг Швейцария франки миқдорида жарима ундирилади.
Аҳмад Аҳмад Африка футбол конфедерациясини 2017 йилдан буён бошқариб келаётган эди. У айни пайтда ФИФА вице-президенти ҳам ҳисобланарди.
Фикрлар