Фьюри: UFC 246га шахсан ташриф буюраман!

Бокснинг оғир вазн тоифасидаги собиқ жаҳон чемпиони Тайсон Фьюри UFC икки дивизионининг собиқ чемпиони Конор Макгрегор ва Дональд Серроне ўртасидаги жангни кўриш учун ташриф буюришини айтиб ўтди.

"Ўйлашимча, Конор ғолиб бўлади. Менимча, Макгрегор "ковбой"ни нокаут қилади.

Макгрегор бу ишни қандай бажаришини кўриш учун шахсан ташриф буюраман," - деди Фьюри.

Эслатиб ўтамиз, Макгрегор ва Серроне ўртасидаги жанг UFC 246 доирасида 18 январь куни Лас-Вегасда бўлиб ўтади.

Аввалроқ, Фьюри ММАдаги дебют жангида айнан Макгрегор унинг мураббийи бўлишини айтган эди.