"Галатасарай" кетма-кет тўртинчи бор Туркия чемпиони бўлди

"Галатасарай" яна Туркия Суперлигаси ғолиблигини қўлга киритди.

Окан Бурук шогирдлари 36-турда "Антальяспор"ни 4:2 ҳисобида мағлуб этиб, чемпионликни муддатидан олдин расман таъминлади.

“Галатасарай” 77 очко жамғарган бўлса, иккинчи ўринда бораётган "Фенербахче" ҳисобида 73 очко мавжуд.

Шу тариқа, жамоа кетма-кет тўртинчи бор мамлакат чемпионига айланди. Бу клуб тарихидаги 26-чемпионлик бўлиб, мазкур кўрсаткич Туркия футболидаги энг яхши натижа ҳисобланади.

Бу борада иккинчи ўринни 19 та чемпионлик билан “Фенербахче” эгаллаб турибди. Клуб сўнгги марта 2014 йилда чемпион бўлган эди.