Гандбол бўйича "Мустақиллик кубоги" бошланди

Пойтахтимиздаги Олимпия ва паралимпия спорт турларига тайёрлаш марказида гандбол бўйича “Мустақиллик кубоги” старт олди. Бу ҳақда МОҚ матбуот хизмати хабар тарқатмоқда.

Унда пойтахтимиздан ташқари Хоразм, Самарқанд, Наманган, Сирдарё, Тошкент вилоятлари ва Қозоғистондан 8 жамоа ғолиблик учун баҳс олиб бормоқда.

Бугун биринчи кун беллашувлари ўтказилмоқда. Аёллар ўртасида ташкил этилаётган мазкур мусобақа 11 сентябрга қадар давом этади. Турнир мураббийлар штабига ноябр-декабр ойларида Кореяда ўтадиган Осиё чемпионати учун терма жамоа таркибини саралаб олишга имкон беради.