Гандболчиларимиз Осиё қитъаси босқичида ғолиб бўлишди

Ҳиндистон давлатининг Лакхнау шаҳрида гандбол бўйича У-18 ўсмирлар ва У20 ёшлар жамоалари ўртасида Халқаро гандбол федерацияси кубогининг Осиё қитъаси босқичи бўлиб ўтди. Ҳар бир ёш тоифасида Ўзбекистон, Бангладеш, Қозоғистон ва Ҳиндистон давлатларининг жамоалари ўзаро беллашдилар.

Эътиборлиси, унда мамлакатимиз терма жамоалари рақибларидан устунлигини тўла исботлашди. Гандболчиларимиз мусобақа давомида 5 тадан учрашув ўтказиб, барчасида ғалаба қозонишди.

Шу тариқа, гандболчиларимиз Халқаро гандбол федерацияси кубогининг қитъалараро босқичи йўлланмасини нақд қилишди.

У18 биринчилиги:
1-ўрин Ўзбекистон.
2-ўрин Ҳиндистон.
3-ўрин Қозоғистон.

У20 биринчилиги:
1-ўрин Ўзбекистон.
2-ўрин Қозоғистон.
3-ўрин Ҳиндистон.