Гап фақат ВАРда эмас!

Чемпионлар Лигаси 5-тур баҳслари бошланди. Илк ўйинлардан бирида "Реал" Украинага сафар қилди. "Шахтёр"га қарши кечган баҳс мезбонларнинг 2:0 ҳисобидаги ғалабаси билан якунланди.

Учрашувдаги ҳисобни 57-дақиқада Дентиньо очиб берди. Рақиб ҳимоячиларининг қўпол хатосидан кейин дарвозабон билан бирга-бир вазиятга чиқиб борган бразилиялик ҳужумчи Куртуага ҳеч қандай имконият қолдирмади. Шунингдек, Манор Соломон 82-дақиқада ҳисобдаги фарқни иккитага етказди.

Ушбу ўйин натижаси "Б" гуруҳидаги жадвалга кичик таъсир кўрсатди. Яъни, "Қироллик клуби"ни иккинчи бор мағлуб этган "кончилар" жадвалда уларни ортда қолдириб, 2-ўринга кўтарилиб олди. Маълумот учун, Мадридда кечган биринчи ўйин украиналикларнинг 3:2 ҳисобидаги ғалабаси билан якунланган эди.

Бу ўйин "Реал" мағлубиятларига асосий сабаб ВАР қарорлари эмаслигини исботлаб берди. Боиси, учрашувда видеотакрорларга мурожаат қилинмади.

Шахтер Донецк

  • Дентиньо 57'
  • Манор Соломон 82'

UEFA ЧЛ "B" гуруҳи 5-тур

01/12/2020, 22:55

2
:
0
Тугади

Реал Мадрид

    Стадион: Stadion NSK Olimpiyskiy, Kyiv 0 томошабин

    Бош ҳакам: Ovidiu Hategan

    45'
    90'
    • 90+4'

      Учрашув якунланди! Матнли трансляция Жавоҳир Азимов томонидан олиб борилди!

    • 90+3'

      Меҳмонлар бурчак тўпидан ҳам наф чиқара олмади.

    • 90+2'

      Сўнгги дақиқаларда ҳам мадридликлар ҳеч нима қила олмаяпти.

    • 90'

      Асосий вақтга 4 дақиқа қўшиб берилди.

    • 89'

      Крооснинг стандартдан йўллаган зарбаси ноаниқ кетди.

    • 86'

      Ғалаба қозонаётган мезбонлар ҳамон тўпга эгалик қиляпти.

    • 84'

      "Шахтёр" сафида ўзгариш: Коваленко ва Дентиньо майдонни тарк этди. Улар ўрнига Алан Патрик ҳамда Дос Сантос Педро ўйинга қўшилди.

    • 82'

      ГООООООООООЛЛЛЛЛЛЛ! "Шахтёр" ҳисобни ишончли кўринишга келтириб қўйди!

      Тезкор қарши ҳужумга ўтган Манор Соломон жарима майдони ташқарисидан яқин бурчакни аниқ нишонга олиб, рақиб дарвозасини ишғол қилди.

    • 80'

      Асенсионинг зарбасига бироз аниқлик етишмади.

    • 79'

      Ҳозиргина ўйинга қўшилган Винисиус тўпни олдирди. У жамоасининг навбатдаги бесамар ҳужумига сабаб бўлди.

    • 77'

      Иско, Мариано ва Винисиус ўйинга қўшилди. Улар ўрнига Эдегор, Бензема ва Родриго захирага олинди.

    • 75'

      Мендининг зарбасидан кейин тўпни Трубин ушлаб олди.

    • 74'

      Марлос ва Тайсон майдонни тарк этди. Улар ўрнига Майкон ҳамда Манор Соломон ўйинга қўшилди.

    • 73'

      Зидан шогирдларида мақсадсиз паслар бериш жараёни бўлиб ўтмоқда. Бирорта мадридлик футболчи рақиб жарима майдонида хавф туғдира олмаяпти.

    • 71'

      Тетенинг жарима майдони ташқарисидан йўллаган зарбасини Куртуа ушлаб олди.

    • 69'

      "Реал" катта куч билан олдинга ўтмоқда. Бироз аксарият ҳужумлар хавфли чиқмаяпти.

    • 67'

      Коваленконинг яқин масофадан йўллаган зарбасини Варан қайтариб қолди.

    • 66'

      Карим Бензема воқеалар ривожидан бироз илгарилаб кетди.

    • 64'

      Каштру шогирдлари рақиб жарима майдони атрофида тўпни назорат қилмоқда.

    • 62'

      "Кончилар" фаолликни оширди. Ўйин тизгини мезбонлар томонга ўтяпти.

    • 60'

      Дентиньога тиббий ёрдам кўрсатилмоқда. Унга нисбатан Варан қоида бузган эди.

    • 59'

      "Реал" дарҳол реакция билдира олди: Крооснинг стандартдан узатган тўпини Варан дарвозага йўллади. Дарвозабон яна тўпни ушлаб олди.

    • 57'

      ГООООООООООЛЛЛЛЛЛЛ! "Шахтёр" ҳисобни очди!

      Ҳимоячиларнинг қўпол хатосидан сўнг дарвозабон қаршисида ёлғиз қолган Дентиньо дарвозабонни ожиз қолдирди.

    • 55'

      "Қироллик клуби" позицион ҳужум уюштиришда давом этмоқда.

    • 53'

      Васкесни усталик билан алдаб ўтган Тайсон зарба берди. Куртуа тўпни қайтарди.

    • 52'

      Жарима майдони марказига еткаилган тўпни Начо дарвозага йўллади. Бироқ зарбага аниқлик етишмади.

    • 50'

      Бенземанинг зарбасини бу сафар ҳам дарвозабон ушлаб олди.

    • 49'

      Меҳмонлар қарши ҳужумга ўтиб кетиши мумкин эди. Бироқ Степаненко тўпни жамоасига олиб берди.

    • 47'

      Бўлимни фаолроқ бошлаган "Реал"нинг ҳужуми Вараннинг ноаниқ узатмасидан кейин тўхтаб қолди.

    • 46'

      Иккинчи тайм бошланди!

    • 46'

      Футболчилар майдонга қайтди. Биз ҳам қайтамиз!

    • 45+3'

      Танаффус!

    • 45+3'

      Мендининг узатмасидан кейин Бензема бирга-бир вазиятга чиқиб бориши учун тезлик етмади.

    • 45+2'

      Эдегорнинг зарбаси кучсиз чиқди. Дарвозабон осонлик билан тўпни ушлаб олди.

    • 45+1'

      Бурчакдан етказиб берилган тўпга зарба бериш учун Начо рақибига нисбатан қўполлик ишлатди. Ҳакам ўйинни тўхтатди.

    • 45'

      Биринчи бўлимга 3 дақиқа қўшиб берилди.

    • 43'

      Мадридликлар ҳужумларни якунлашда қийналмоқда. Якуний зарбадан дарак йўқ.

    • 41'

      Асенсио жарима майдонига омадсиз пас оширди. Тўп дарвозабоннинг қўлига келиб тушди.

    • 39'

      Тайм сўнгига келиб мезбонлар ҳам фаолликни оширди. Улар тез-тез олдинга ўтмоқда.

    • 37'

      Рақибини алдаб ўтган Родриго қоида бузиш эвазига тўхтатилди. "Реал"да стандарт вазият юзага келди.

    • 36'

      Қанотдан узатилган тўпни Куртуа хотиржам ушлаб олди.

    • 34'

      Майдон эгаларининг камсони ҳужумларидан бири Матвиенконинг хатоси туфайли барбод бўлди.

    • 32'

      "Қаймоқранглилар" рақибни майдон марказидан ўтказмаяпти. Дарҳол прессинг уюштириб, тўпни олиб қўйишмоқда.

    • 30'

      Асенсио ўткир бурчакдан кучли зарба берди. Трубин бу сафар ростмана сейв ижро этди.

    • 29'

      Эдегорнинг узатмасидан сўнг Начо зарба берди. Дарвозабон ўз ўрнида.

    • 28'

      "Шахтёр" дарвозабони ва ҳимоячиси орқа чизиқда қўпол хатога йўқ қўйди. Тўп мадридликларда.

    • 27'

      Менди ўйиндан ташқари ҳолатда қолиб кетди.

    • 26'

      Асенсио ва Эдегор яхши комбинация уюштирган эди. Бироқ Марконинг сўнгги узатмаси шеригигача етиб бормади.

    • 25'

      Жуниор Мораес ўйинни давом эттира олмади. Унинг ўрнига Дентиньо ўйинга қўшилди.

    • 23'

      Васкеснинг жарима майдонига оширган тўпини ҳимоячилар узоқлаштирди.

    • 22'

      Асенсио рақиби билан тўп учун курашда йиқилиб тушди. Ҳакам бу вазиятда қўполлик йўқ деб топди.

    • 19'

      "Кончилар" марказда тўпни назорат қилмоқда. Ўйин темпи бироз пасайди.

    • 17'

      Жуниор Мораесни махсус машинада майдондан олиб чиқишди. Бироқ унинг ўзи яна майдонга қайтмоқчи.

    • 15'

      Варан билан тўқнашган Жуниор Мораесга тиббий ёрдам кўрсатиляпти.

    • 14'

      Жамоадошининг хатосини Варан қоида бузиш эвазига тўғирлади. Дарвозабон билан бирга-бир вазиятга чиқиб кетаётган Мораесни Рафа тўхтатди. Ҳакам уни огоҳлантирди.

    • 13'

      Зидан шогирдлари эрта прессинг уюштириб, рақибни тўпсиз қолдирмоқда.

    • 11'

      Бензема жарима майдони яқинидан зарба берди. Тўп дарвозабон турган позицияга борди ва Трубин уни қайтарди.

    • 10'

      Васкес ҳужумда қоида бузди. Мезбонлар энди позицион ҳужум бошлайди.

    • 8'

      Тетенинг узоқ масофадан йўллаган зарбасига аниқлик етишмади.

    • 6'

      Родригонинг узатмаси Эдегоргача ўтмади. Ҳимоячилар хавфли вазиятнинг олдини олди.

    • 5'

      Илк хавфли вазият "Реал" ижросида: Асенсионинг яқин масофадан берган зарбаси устунга тегди.

    • 3'

      Коваленко рақиб жарима майдонида тўпни қўли билан тўхтатди. Ҳакам тўпни меҳмонларга қайтариб берди.

    • 1'

      Дастлабки дақиқадаёқ мадридликлар олдинга ўтди. Қанотда катта масофа босиб ўтган Родриго марказга тўп оширди. Ҳимоячилар тўпни қайтарди.

    • 1'

      Учрашув бошланди!

    • 0'

      Футболчилар майдонга тушиб келди. Чемпионлар Лигасининг жозибадор мадҳияси янгради.

    Матнда хатолик топсангиз, ўша хатони белгилаб, бизга жўнатинг (Ctrl + Enter)