Гари Невилл: "Манчестер Юнайтед" энг яхши мураббийни танлаши керак"

"Манчестер Юнайтед"нинг собиқ ҳимоячиси Гари Невилл клуб янги бош мураббийни танлашда энг юқори даражадаги мутахассисга эътибор қаратиши кераклигини таъкидлади. Унинг фикрича, Майкл Кэррикни доимий равишда тайинлашга шошилмаслик лозим.

"Манчестер Юнайтед" тезроқ янги мураббий излаши керак, чунки жамоа натижалари барқарор эмас. Аммо Англия терма жамоаси билан Томас Тухель шартномани узайтиргани каби омиллар танлов доирасини қисқартиради ва бу Кэррикнинг имкониятларига зиён қилмайди. Агар у "Юнайтед"ни Чемпионлар лигасига олиб чиқса, уни тайинлаш атрофида катта қизиқиш пайдо бўлади.

Мен Кэррикка қарши эмасман, уни жуда яхши кўраман. Лекин "Манчестер Юнайтед" мавжуд энг яхши мураббийлар орасидан танлов қилиши керак. Сўнгги икки тайинлов – ёш ва тажрибаси кам мутахассислар эди. Уле-Гуннар Сульшер клубнинг собиқ футболчиси сифатида келган, аммо бу иш бермади. Шунинг учун тўғри қарор – хавфни минималлаштириш", – деди Невилл "Юнайтед"нинг "Эвертон"га қарши ўйини олдидан.