Gattuzo: Men shogirdlarimni ayblay olmayman

“Milan” klubi bosh murabbiyi Jennaro Gattuzo Italiya A Seriyasi 15-turidan o‘rin olgan “Benevento”ga qarshi (2:2) bahsdan so‘ng o‘z fikrlarini bildirib o‘tdi.

“Yigitlar borlarini berishdi. Biz g‘alati gol o‘tkazib yubordik va shunday qismat taqdirimizda yozilgan ekan. Men shogirdlarimning o‘zlarini ko‘rsata olganliklari bilan tabriklayman. Endi ularning jismoniy holati borasida ish olib boramiz. Bugun esa men shogirdlarimni yomon o‘ynashdi deb ayta olmayman.

Bizni oldinda katta yo‘l kutib turibdi va o‘z o‘yinimizni kuchaytirib borishimiz lozim”, – deb aytib o‘tdi Gattuzo.