Гаттузо: Мен шогирдларимни айблай олмайман

“Милан” клуби бош мураббийи Женнаро Гаттузо Италия А Серияси 15-туридан ўрин олган “Беневенто”га қарши (2:2) баҳсдан сўнг ўз фикрларини билдириб ўтди.

“Йигитлар борларини беришди. Биз ғалати гол ўтказиб юбордик ва шундай қисмат тақдиримизда ёзилган экан. Мен шогирдларимнинг ўзларини кўрсата олганликлари билан табриклайман. Энди уларнинг жисмоний ҳолати борасида иш олиб борамиз. Бугун эса мен шогирдларимни ёмон ўйнашди деб айта олмайман.

Бизни олдинда катта йўл кутиб турибди ва ўз ўйинимизни кучайтириб боришимиз лозим”, – деб айтиб ўтди Гаттузо.