Гаттузонинг "Наполи"даги илк хариди ким бўлиши маълум

"Сассуоло" клуби ярим ҳимоячиси Жереми Бога "Наполи"нинг қизиқишлар доирасига кириб қолди. Бу ҳақда La Gazzetta dello Sport нашри хабар бермоқда.

Юқоридаги манбаага кўра неаполликлар трансфер нархи 12 млн еврога баҳоланаётган 22 ёшли ивуарлик футболчини сотиб олишни режалаштиришмоқда.

“Наполи” Боганинг ўзига 5 йиллик шартнома ва йилига 1,5 млн евро таклиф қилмоқда.

Маълумот учун, Бога жорий мавсум “Сассуоло” 16 та ўйинда майдонга тушди ва 4 та гол ҳамда 2 та голли узатма ёздириб қўйишга эришди.