Германия футболи афсонаси: Роналду ҳаммасини тўғри қилди

Германиялик афсонавий футболчи Лотар Маттеус португалиялик ҳужумчи Криштиану Роналдунинг "Манчестер Юнайтед"га қайтгани борасида ўз фикрларини билдириб ўтди.

“Менга бу ҳаракат ёқди, чунки бу оддий қадам эмас эди. Криштиану дунёнинг энг яхши чемпионатига қайтди ва аллақачон 4 та гол урди. Мен буни тушунаман. У ҳамма нарсани тўғри қилди”, - деди Маттеус.

36 ёшли Роналду орадан 12 йил ўтиб жорий ёзги трансферлар даврида “Ювентус”дан 15+8 миллион евро эвазига МЮга қайтди.

Криштиану 2003-2009 йилларда “Манчестер Юнайтед” шарафини ҳимоя қилган. Шундан сўнг у “Реал” Мадридга кўчиб ўтган эди.