"Герта" - "Бавария": Матнли трансляция

Германия Бундеслигаси 20-туридан ўрин олган "Герта" - "Бавария" учрашуви бошланиш арафасида. Уни сайтимиз орқали матнли кўринишда кузатиб боришингиз мумкин. Матнли трансляцияни Абдулла Маннонов олиб боради.

• 90+4'
  

  Учрашув якунланди! "Бавария" меҳмонда кичик ҳисобда ғалабага эришиб, очколари сонини 3тага кўпайтириб олди. Матнли трансляцияни Абдулла Маннонов олиб борди. Эътиборингиз учун раҳмат!

• 90+3'

  "Герта" футболчиси Лукас Тузар қўл билан ўйнади. Фол қайд этилди.

• 90+2'
  

  Сами Хедира қўполлиги учун сариқ карточка билан огоҳлантирилди.

• 90+'
  

  Ўйиннинг асосий вақтига 3 дақиқа вақт қўшиб берилди.

• 89'

  Матеус Куньянинг кучли ва аниқ зарбаси ўнг устунга тегиб майдонни тарк этди.

• 87'
  

  Ухх! Бирга-бир вазиятдан Неманья Радонич фойдалана олмади! Нойердан даҳшатли сейв!

• 86'
  

  Хўш, "Бавария"да ўзгариш: гол муаллифи Кингсли Коман ўрнига Эрик Максим Шупо-Мотинг ўйинга қўшилди.

• 84'

  Томас Мюллер жарима майдончаси ичига ажойиб узатма амалга оширди, бироқ тўпни ҳимоячилар эгаллаб олишди.

• 82'
  

  "Герта"да навбатдаги ўзгариш: Доди Лукебакио ўрнига Мэттью Леки ўйинга қўшилди.

• 82'
  

  "Герта"да ўзгариш: Аскасибар ўрнига Сами Хедира ўйинга қўшилди.

• 81'

  Павар эҳтиёт бўлиши лозим. Унинг шундоғам сариқ карточкаси бор. У яна қўполлик намойиш этди, ҳакам уни оғзаки огоҳлантириш билан чекланди.

• 80'
  

  Энди эса Лукебакио офсайдда.

• 79'
  

  Левандовскида ўйиндан ташқари ҳолат қайд этилди.

• 78'
  

  Дуглас Коста яна бир бор бурчак тўпини ижро этади.

• 77'
  

  Дуглас Коста бурчакдан тўпни ўйинга киритди, ҳимоячилар уни яна бурчакка чиқариб юборишди.

• 77'
  

  Роберт Левандовски тўпни қанотда қабул қилиб олди ва бироз юриб дарвозага зарба берди! Бироқ дарвозабон таблодаги ҳисоб ўзгаришига йўл қўймади!

• 76'

  Левандовски жуда қўпол ўйнаб юборди. Ҳакам уни оғзаки огоҳлантирди.

• 74'
  

  "Бавария"да 2 ўзгариш: Серж Гнабри ҳамда Лерой Сане ўрнига Дуглас коста ва Корентин Толиссо ўйинга қўшилади.

• 72'
  

  Матеус Кунья бурчакдан тўпни ўйинга киритиб берди, бироқ хавфли вазият юзага келмади.

• 69'
  

  Гендузининг зарбасини Нойер моҳирлик билан қайтарди!

• 67'
  

  Радоньич яна бир бор офсайдда қолиб кетди.

• 66'

  Кингсли Коман яна бир бор хавфли вазият юзага келтирди, ҳимоячилар яна фаол.

• 65'
  

  Радоньич урган гол офсайд сабабли ҳисобга олинмади!

• 64'
  

  Берлинликларда яна бир ўзгариш: Пёнтек ўрнига Радоньич ўйинга қўшилди.

• 63'
  

  Киммих бурчакдан тўпни ўйинга киритиб беради.

• 62'

  Киммих қанотдан тўпни жарима майдони ичига ажойиб кросси билан етказиб берди, бироқ ҳимоячилар бу вазиятда яхши ўйнашди.

• 60'

  Лерой Сане қўпол фоли эвазига оғзаки огоҳлантирилди.

• 58'

  "Бавария" тўпни яхши назорат қилмоқда. Қисқа паслар билан ўйин олиб бориляпти.

• 55'
  

  "Герта"да ўзгариш: Флориан Дарида ўрнига Матео Гендузи ўйинга қўшилди.

• 54'

  Мюллер тўпни ажойиб тарзда ичкарига етказиб берди, ҳимоячилар уни узоқлаштирди.

• 52'

  Меҳмонлар футболчиси оддий вазиятда тўпни олдириб қўйди, класс билиниб қолди.

• 51'
  

  Лерой Сане офсайдда қолиб кетди.

• 49'
  

  Киммих бурчакдан тўпни ўйинга киритиб берди, ҳимоячилар ишончли ўйнади.

• 49'
  

  "Бавария" бурчакдан тўпни ўйинга киритиб берди. Дарвозабон тўпга биринчи чиқиб келди.

• 48'
  

  Гнабри жарима майдончаси ичида тўпни қийинчилик билан қабул қилиб олди ва бир амаллаб зарба берди, дарвозабон кучли зарбани қийинчилик билан қайтарди!

• 47'
  

  Кунья бурчакдан тўпни ўйинга киритиб беради. Хавфли вазият юзага келмади.

• 47'

  Доди Лукебакионинг зарбасидан сўнг тўп ҳимоячига тегиб майдонни тарк этди.

• 46'
  

  "Герта" таймни ўзгариш билан бошлаб олди. Торунарига ўрнига Альдерете ўйинга қўшилди.

• 46'
  

  2-бўлим бошланди!

• 45'

  Футболчилар майдонга қайтишмоқда. Биз ҳам қайтамиз.

• 45+4'
  

  Биринчи бўлим якунланди. Танаффус.

• 45+3'

  Коман тўпни ичкарига узатди, Саненинг кучли зарбаси дарвозадан бироз юқорилаб кетди.

• 45+2'
  

  "Герта" аъзоларидан бири майдонда тиббий ёрдам олмоқда. Унинг жароҳати жиддий шекилли.

• 45+1'

  Левандовски иккинчи қаватда ҳаммадан яхши ҳаракат қилди, бироқ унинг бош билан берган зарбасига бироз аниқлик етишмади.

• 45+'
  

  Биринчи бўлимга 3 дақиқа вақт қўшиб берилди.

• 42'

  Пёнтекнинг ажойиб узатмасидан сўнг дарвозага зарба берувчи биронта футболчи топилмади. "Бавария" тўп билан.

• 41'
  

  Меҳмонлар аъзоси Владимир Дарида ҳакам билан урушиб кетгани боис сариқ карточка билан огоҳлантирилди.

• 39'
  

  Лукебакиода офсайд қайд этилди.

• 38'

  Кингсли Коман жарима майдончаси ичига тўпни ажойиб тарзда етказди, Роберт Левандовскининг зарбасидан сўнг эса тўп бироз юқорилаб кетди.

• 37'

  Улар жиддий жароҳат олишмаган. Иккаласи ҳам ўйинни давом эттира олади. Ўйинга қайтамиз.

• 36'
  

  Коман ҳам худди шундай ҳолатда. Футбочилар қаттиқ тўқнашиб кетишди чоғи...

• 35'
  

  Матеус Кунья тўқнашув туфайли шикастланди. У майдонда тиббий ёрдам олмоқда.

• 33'

  "Герта" аъзоси Петер Пекарик узун пас амалга оширди, бироқ мезбонлардан бири тўпни эгаллаб олди.

• 31'
  

  Бенжамин Павар қўпол фоли учун сариқ карточка билан жазоланди.

• 30'
  

  "Бавария" бурчакдан тўпни ўйинга киритиб беради.

• 29'

  "Герта" футболчиси Сантьяго Аскасибар қўпол ўйин намойиш этди.

• 27'

  Зюле кўринишидан жиддий жароҳат олмаганга ўхшайди. У майдонга қайтди. Ўйин давом этади.

• 26'
  

  Никлас Зюле рақиби билан тўқнашув натижасида жиддий шикастланди. У майдондан ташқарига олиб чиқилди ва тиббий ёрдам кўрсатилмоқда.

• 25'
  

  Бурчак тўпи. Киммих уни ижро этади.

• 23'

  Матеус Кунья жарима майдончаси ичига ажойиб узатма амалга оширди, бироқ ҳимоячилар фаол ўйнади.

• 21'
  

  ГОООООООООООООООООООЛЛЛ!!! "Бавария" ҳисобни очмоқда! Команнинг зарбасидан сўнг тўп устунга тегиб дарвоза тўридан жой олди! 0-1!

• 20'

  Киммих ҳам қўпол ўйнади. Рақиби билан тўқнашиб кетди, ҳакам фолни Киммихнинг номига ёзди.

• 19'

  Гнабри қўпол ўйин намойиш этди ва ҳакам уни оғзаки огоҳлантирди.

• 18'
  

  Киммих тўпни жарима майдончаси ичига етказиб берди, бироқ ҳимоячилар уни узоқлаштирди.

• 17'

  Хавфли вазият! Паварнинг жарима майдончаси ичига узатган тўпини ҳимоячилар эгаллаб олишга ҳаракат қилишди, бироқ тўп бурчакка чиқиб кетди.

• 15'
  

  "Герта" футболчилари бурчакдан тўпни ўйинга киритиб берди, Матеус Куньянинг зарбасига аниқлик етишмади.

• 14'
  

  Мюнхенликлар бурчак тўпидан хавфли вазият юзага келтира олмади. "Герта" қарши ҳужумда.

• 14'
  

  Лайнсмен байроғини қўтарди. Мюллер офсайдда қолиб кетди.

• 13'
  

  Бурчак тўпидан сўнг хавфли вазият юзага келмади.

• 12'
  

  Уххх!!! Левандовски пенальтидан унумли фойдалана олмади! Дарвозабон тўп йўналишини топиб, уни бурчакка чиқариб юборди!

• 11'
  

  Пенальти! Бош ҳакам "Герта" дарвозасига пенальти белгилади. "Бавария"да гол уриш учун ажойиб имконият юзага келди!

• 10'

  Кингсли Команга нисбатан жарима майдончаси ичида қўполлик ишлатилди. Коман йиқилиб тушди. Ҳакам буни қўрди!

• 9'
  

  Жошуа Киммих бурчакдан тўпни ўйинга киритиб беради. Хавфли вазият юзага келиши мумкин.

• 7'
  

  Владимир Дарида ўйиндан ташқари ҳолатда қолиб кетди. Офсайд.

• 5'
  

  Лерой Сане қулай позициядан туриб дарвоза марказига зарба берди, дарвозабон ажойиб сейви билан хавфни бартараф этди.

• 4'

  Люка Эрнандес тўпга қўпол тарзда чиқиб келди ва рақибини йиқитиб юборди. Бош ҳакам фол қайд этди.

• 3'
  

  Давиде Лукебакионинг жарима майдончаси ташқарисидан берган зарбасини Нойер чиройли тарзда қайтарди! Браво!

• 2'

  Саненинг узатмаси ҳимоячилар томонидан қайтарилди.

• 1'
  

  Учрашув бошланди! "Бавария" футболчилари тўпни ўйинга киритиб берди.

• 0'

  Футболчилар майдонга чиқиб келишмоқда. Учрашув бошланиш арафасида.

• 0'

  Ассалому алайкум, қадрли футбол ихлосмандлари! Германия Бундеслигаси 20-ўрин олган "Герта" - "Бавария" учрашувини сайтимиз орқали матнли кўринишда кузатиб боринг. Матнли трансляцияни Абдулла Маннонов олиб боради.