GFC 20 матбуот анжумани: Отабек Умаров ва Хабиб Нурмагомедовларга қандай саволлар йўлланди?

Тошкентдаги “Форумлар” саройида GFC 20 турнирига бағишланган матбуот анжумани бўлиб ўтди. Тадбирни Ўзбекистон ММА ассоциацияси президенти Отабек Умаров юртимизда ушбу спорт турини янада оммалаштириш ҳамда бундан кейин ҳам турнирлар ўтказиб борилиши ҳақидаги сўзлари билан расман очиб берди.

Анжуманда Хабиб Нурмагомедов, Абдулманап Нурмагомедов, GFC промоушени президенти ҳамда жанг кечасининг марказий тўқнашуви иштирокчилари Умар Нурмагомедов, Браян Гонсалес, Ўзбекистон ММА терма жамоаси бош мураббийи Суннат Ильясов ва бошқалар иштирок этишди. 

-Ўз жангларингиздан бирини "Ҳумо Арена"да ўтказган бўлармидингиз?

-Хабиб Нурмагомедов:

-"Ҳумо Арена" UFC турнирининг ўтказилиши учун жуда мос тушар эди. Мисол учун, Москвада 11 минг кишини ўз бағрига оладиган ЦСКА Аренада ўтказдик. "Ҳумо" эса жаҳон стандартига жавоб бера оладиган арена ва унга 12 минг одам сиғади. Шунинг учун, бемалол йирик жанг кечаларини ўтказса бўлади. Агар UFC жангни шу ерда ўтказилишига рози бўлса, албатта шу ерда жанг қиламан. Ўзбекистон ММА федерацияси бу борада UFC билан келиша олса, мен жон деб бу ерда октагонга кўтарилган бўлардим. Доғистонда бундай савиядаги арена йўқ. Шундай экан Тошкентда жанг қилишга қарши бўлмайман. 

- Бошқа промоушенлар билан ишлаш ниятингиз борми?

Отабек Умаров:

- Биз юртимизга бир қатор юлдузларни ҳам таклиф этиш истагидамиз. Улар нафақат фахрий меҳмон, балки ўз жангларини ўтказиш учун ҳам келишади. 

- Бундай меҳмондўстликдан сўнг сиз вазн ташлаш муаммо бўлмайдими?

-Хабиб
:

- Меҳмондорчилик зўр бўлди. Албатта, вазн ташлаш қийин. Лекин ҳали бунинг учун вақт бор. Вақти келганда диета тутаман, режим билан вазнимни тўғирлаб оламан. 15 йилдан буён бу борада муаммо бўлмайди. Агар  вазним борасида қандайдир қийинчилик бўлганида, чемпион бўлмасдим. Ўзбекистонда мазали таомлар жуда кўп ва хеч қаерда бундай тотли овқатлар истеъмол қилмаганман.

-  Никита Чистяковнинг бетоб бўлиши туфайли, бу жанг сиз учун кутилмаганда содир бўлди. Ваҳоланки, бундай чемпионлик жангларига қаътий тартибдаги машғулотлар керак бўларди. Эртанги жангда ушбу омиллар муаммо туғдирмайдими?

Браян Гонсалес:

- Жангчи ҳар доим тайёр бўлиши керак. Ўйлайманки, барчаси яхши бўлади. Жангга тайёрман.

 - Ушбу промоушенда ўзбекистонлик Сирожиддин Эшонбоев ҳамда Лиля Шакировалар ўз жангини ўтказишади. Эртага, эса бир қатор юртдошларимиз GFC да дебют қилишади. Улар билан қандай шартнома имзоланган?

GFC президенти:

 - Бизда ўзбекистонлик Лилия Шакирова чемпион ҳисобланади. Унга янги вазн тоифасида ўзини синаб кўришни таклиф қилганмиз. Шунингдек, бошқа ўзбек йигитлари билан ҳам шартномага эгамиз. Уларни бошқа турнирларимизга ҳам таклиф қилиш ниятидамиз.Агар, яхши натижалар қайд этса, чемпионлик жангларида ҳам октагонга кўтарилишлари мумкин.

-Ўзбекистонлик спортчиларнинг тайёргарлик жараёни қандай бўлди?

Суннат Ильясов:

-Тайёргарлик ажойиб бўлди. Йигитлар жангга ҳар томонлама тайёр. Кайфият ва жамоадаги муҳит яхши. Насиб қилса, барча юртдошларимизни ғалабалар билан хурсанд қиламиз. 

-Фахрий мехмонлар орасида UFC нинг собиқ чемпиони Фрэнк Мирнинг исми шарифини кўрмаган эдик. Лекин ҳозир ушбу АҚШлик жангчи орамизда ўтирибди. Умуман унинг ташрифи қандай амалга ошди?

Фрэнк Мир:
-Мен кўплаб мамлакатларда бўлганман. Ўзбекистонга биринчи бор ташриф буюрдим. Эртага, ажойиб ва муросасиз жангларни томоша қиламан деган умиддаман.

Отабек Умаров:
- Биз бу борада бир қатор инсонларни таклиф қилганмиз. Кўпчилиги вақтига қараб юртимизга ташриф буюрди. Айни вақтда бу анжуманлар залида бўлмаса ҳам Рой Жонс ва Жефф Монсонлар ҳам ташриф буюрган . 

Ўзбек ММАси деганда беихтиёр кўз олдимизга Суннат Ильясов келади. Сизнинг вақтингизда бундай имкониятлар бўлмаганди. Умуман олганда мураббий сифатида бўлса ҳам орзуингиз ушалмоқдами?

Суннат Ильясов: 

-Албатта, бундай имкониятлар яратилганлиги учун раҳбариятга ўз миннатдорчилигимни билдираман. Тўғриси ўзимнинг ҳам жанг қилгим келмоқда. Шубҳасиз, ёшларимиз ушбу имкониятга эга бўлганлигидан хурсандман. Барча спортчиларимизга омад тилайман. 

 

 

Фикрлар

Фикр қолдириш учун авторизациядан ўтинг!
&
bilsam ham bilmadim boshqa uchun
22/11/2019 22:59
Qoyil zur buldi endi MMA janglari trans qilishsa yaxshi bulardi