Глейзерлар давридаги "Манчестер Юнайтед"нинг энг ёмон трансфери аниқланди

Goal ахборот портали "Манчестер Юнайтед" клуби Глейзерлар оиласи қўлида бўлган даврда амалга оширилган энг омадсиз трансферлар рейтингини эълон қилди.

Рўйхатнинг биринчи поғонасига дарвозабон Андре Онана қўйилган. Нашр муаллифларига кўра, айнан у Глейзерлар бошқаруви даврида "Манчестер Юнайтед" томонидан амалга оширилган энг ўхшамаган харид ҳисобланади.

Жами рейтингга 20 нафар футболчи киритилган. Онанадан кейинги ўринлар қуйидагича тақсимланган: Антони, Расмус Хёйлунд, Алексис Санчес, Анхель ди Мария, Джейдон Санчо, Ромелу Лукаку, Поль Погба, Донни ван де Бек, Мемфис Депай, Радамель Фалькао, Уилфрид Заха, Бебе, Морган Шнайдерлин, Виктор Вальдес, Габриэль Обертан, Оуэн Харгривз, Генрих Мхитарян, Андерсон ва Харри Магуайр.

Глейзерлар оиласи ҳали ҳам "Манчестер Юнайтед" клубининг асосий эгалари бўлиб қолмоқда. Шу билан бирга, спорт йўналишидаги бошқарув ишлари ҳозирда Джим Рэтклифф раҳбарлигидаги INEOS компанияси томонидан амалга оширилмоқда.