“Gol mashinasi” keladi!

“Chelsi” kelasi mavsum oldidan jamoaning hujum chizig‘ini kuchaytirishni rejalashtirmoqda. “Aristokratlar” bu pozitsiyasiga bir necha to‘purarni mo‘ljallayapti.

"The Mirror" nashrining xabar qilishicha, asosiy nomzodlardan biri sifatida “Napoli” hujumchisi Viktor Osimxen tilga olinmoqda.

"Transfermarkt" portali nigeriyalik futbolchini 70 million evroga baholagan. Lekin neapolliklar asosiy to‘purarini 100 million evrodan kamiga qo‘yib yubormaydi.

Osimxenning o‘yini tobora ochilib bormoqda. A Seriyaning 17 ta uchrashuvida qatnashgan futbolchi raqiblar darvozasini 16 marotaba ishg‘ol qildi.