Google орқали энг кўп қидирилган футболчилар аниқланди
Google қидирув тизими 25 йил давоми энг кўп қидирилган футболчини аниқлади. Саудия Арабистонининг "Ан-Наср" жамоасида ўйнаётган ҳужумчи Криштиану Роналду бу борада тенгсиз бўлди.
Криштиану Саудия клубига 2023 йилнинг бошида келганди. Аввалроқ португалиялик узоқ йиллар Европада тўп сурган, у ерда Лиссабоннинг “Спортинг”, “Манчестер Юнайтед”, “Реал” ва “Ювентус” клублари шарафини ҳимоя қилган. Роналду ўз фаолиятида беш марта нуфузли "Олтин тўп"ни қўлга киритган.
Эслатиб ўтамиз, Роналду февраль ойида ўзининг 39 ёшини нишонлайди.
Фикрлар