Грандлар нишонида турган Камавинга ўзига жамоа танлади

Франция терма жамоасининг истеъдодли ярим ҳимоячиси Эдуардо Камавинга ўзига бўлаётган таклифларни ўрганиб чиқиб, “Реал”да тўп суришга қарор қилгани маълум бўлди.

Айни пайтда ёш футболчи “Ренн” билан амалдаги шартномасини узайтиришга розилик берган. Бироқ бунинг учун француз клуби “Реал” сўраган пайтда Камавингани ҳеч қандай тўсиқларсиз Мадридга қўйиб юборишига тўғри келади.

Эдуардо Камавинга “Манчестер Юнайтед” ҳам жиддий даъвогарлик қилаётган эди. Футболчининг бу қароридан кейин Сульшер ўз эътиборини бошқа ярим ҳимоячига қаратишига тўғри келади.