Грандлар талашаётган юлдуз АПЛдан тушиб кетишига бир баҳя қолган жамоани танлади

Аргентиналик ҳимоячи Маркос Сенеси яқин вақт ичида “Тоттенхэм Хотспур” сафига қўшилади. Якунланган мавсумда Англия Премьер-лигасидаги жойини базўр сақлаб қолган лондонликлар ёзда таркибини жиддий тарзда кучайтирмоқчи.

Бу ҳақда журналист ва инсайдер Фабрицио Романо ижтимоий тармоқда хабар берди. Манба маълумотига кўра, Сенеси Лондон клубига эркин агент сифатида ўтмоқда.

Томонлар тўрт мавсумга мўлжалланган меҳнат шартномасини имзолайди. Футболчи март ойидаёқ “шпорлар” билан ҳамкорлик шартларини келишиб олган.

Сенеси фаолиятини “Фейеноорд” клубида бошлаган. У 2022 йилда 15 миллион евро эвазига “Борнмут”га ўтган.

Аргентиналик ҳимоячи “Борнмут” сафида 128 та учрашувда майдонга тушиб, 6 та гол урган ва 10 та голли узатма берган.