Грилиш: "Ассист ҳам гол каби муҳим"

АПЛнинг 2-турида "Эвертон" ўз майдонида "Брайтон"ни 2:0 ҳисобида мағлуб этди. Ушбу баҳсда "Манчестер Сити"дан ижара асосида тўп суриб келаётган Жек Грилиш икки голли узатма муаллифига айланди.

Учрашувдан сўнг Грилиш ўз фикрлари билан ўртоқлашди:

"Ўйин олдидан биз мухлислар учун шоу кўрсатишни мақсад қилгандик. Бугун клуб учун ҳам муҳим кун – янги стадион очилиши бўлди. Барчаси идеал кечди. Бу ғалабани барча мухлисларга бағишлаймиз.

Мен учун голли узатма бериш ҳам гол ургандек муҳим. Футболда гол катта аҳамиятга эга, аммо Кевин де Брюйне билан бирга ўйнаб кўп нарсаларни ўргандим. Ассист – шеригингга гол уришига ёрдам бериш ҳисси – бу алоҳида завқ. Менинг хоҳишим – жамоага фойда келтириш. Умид қиламанки, яна кўпроқ гол урамиз ва узатмалар берамиз.

Бугун ўзимни эркин ҳис қилдим. Майдонда кўпроқ хавфга бориш, ижодкорлик қилиш имкониятига эга бўлдим. Жамоа ўйинидан ҳам, шахсан ўз ўйинимдан ҳам хурсандман. 90 дақиқа майдонда охирги марта тахминан 4–5 ой аввал тўп сурганман. Ҳозирча энг яхши формамда эмасман, аммо келгусида янада кучлироқ ўйнашни истайман. Бу стадионда, бу жамоа билан ўйнаш мен учун катта завқ", – деди "Эвертон" футболчиси.