Гринвуд Ла Лигага қайтиши мумкин

"Марсель" вингери Мэйсон Гринвуд хизматларига Каталониянинг "Барселона" клуби жиддий қизиқиш билдирмоқда.

"The Sun" нашри берган маълумотларга қараганда, каталонияликлар англиялик футболчининг ўйинларини кузатиб бормоқда. Клуб скаутлари "Марсель"нинг "Гавр"га қарши ўйинини стадиондан томоша қилган ва учрашувда Гринвуд "покер" қайд этган эди. "Қўк-анорранглилар" рахбарияти 24 ёшли инглиз футболчисининг ўйинларидан ҳайратда қолган ва уни жамоага олиб келишни режалаштирмоқда. Футболчининг француз клуби билан амалдаги шартномаси 2029 йилнинг ёзида якунига етади.

Маълумот учун, Гринвуд жорий мавсум барча турнирларда умумий 12 та учрашувда майдонга тушиб, 8 та гол урди ва 4 та голли узатмани амалга оширди.