Гризманн: "Яна 15 та гол уришим керак"

Франциялик ҳужумчи Антуан Гризманн нима учун ёзги трансфер ойнаси вақтида “Атлетико”ни тарк этмаганини айтди.

"Менга қўнғироқлар бўлди, музокаралар бўлди, лекин бор эътиборимни "Атлетико"да ўйнашга қаратгандим. Клуб тарихидаги энг яхши тўпурар бўлиш учун яна 15 та гол уришим керак. Мен қолишга қарор қилдим. Янги рекорд ўрнатмоқчиман, - дея Гризманнинг сўзларини келтиради "Canal+".

Эслатиб ўтамиз, 32 ёшли ҳужумчи мадридликлар сафида 344 та ўйин ўтказиб, 158 та гол урган. “Матрасчилар” рекордчиси Луис Арагонес бўлиб, унинг ҳисобида 173 та гол бор.