Gvardiola APL rahbariyatini tanqid qildi

"Manchester Siti" bosh murabbiyi Xosep Gvardiola Angliya Premer-ligasi bahslarida 5 ta o‘zgarishga qaytishga chaqirdi.

"Futbolchilarga g‘amxo‘rlik qilish vaqti keldi. 5 ta o‘zgarish bu ayrim jamoalar uchun ustunlik berish uchun emas. Bu so‘nggi 15, 25, 30 daqiqalikda ularni himoya qilishdir. Har uch kunda o‘ynash - tarkibda yo‘qotishlar bo‘lishiga olib keladi. Evropaning barcha etakchi ligalari 5 ta o‘zgarishga ruxsat berdi. 

Biz ham ushbu tizimga qaytishimiz kerak. Bu mavsum APLda futbolchilarning mushaklaridan oladigan jarohati 42 foizga ortdi", - dedi ispaniyalik mutaxassis.