Гвардиола: Биз режасиз, мақсадсиз тўп тепдик ва қийинчиликка дуч келдик

Кеча "Манчестер Сити" АПЛ доирасида "Кристал Пэлас"га қарши баҳс олиб борди ва 4:2 ҳисобидаги ажойиб ғалабани қўлга киритди. Ушбу ўйиндан сўнг "шаҳарликлар" бош мураббийи Хосеп Гвардиола беллашув ҳақида ўз фикрларини билдириб ўтди. 

"Охирги икки ўйинда кўп гол ўтказиб юбордик. Умумий ҳисобда 5 та гол ва бу атиги 2 баҳсга тўғри келмоқда. Бу биз учун жуда ёмон кўрсаткич. 

Бугун яхши ўйин кўрсатдик. Қийинчиликларни енгиб ўта олдик. Муҳими, шундан хурсанд бўлдим.

Биз режасиз, мақсадсиз тўп тепдик. Бу устида ишлашимиз керак. Боғламларда, умумий ҳаракатланишда хатоларга йўл қўймоқдамиз. Буни йигитларга ҳам айтдим. 

Холанд гол уриш қобилиятига эга бўлган ўзига хос ҳужумчи ва у шундай қилмоқда. Эрлинг рақибнинг камчилигидан мукаммал фойдалана олади. Кеча Холанднинг голлари бизга муҳим очколарни келтирди", - деди испаниялик мутахассис.