Гвардиола ғалабалар учун ким етишмаётганини айтди

“Манчестер Сити” бош мураббийи Хосеп Гвардиола жамоага ўз голлари билан кўп ғалабаларни тақдим этган Серхио Агуэро етишмаётганини тан олди. Аргентиналик ҳужумчи кейинги  пайтда кўп жароҳат олмоқда ва аксарият вақтини даволанишга сарфлаяпти.

- Биз Серхиони соғиндик. Кейинги олти ой давомида у жуда кўп жароҳат оляпти. Бизга айнан Агуэро етишмаяпти. Чунки у “Сити” тарихидаги энг зўр ҳужумчи. У ўз формасини тиклаб, сафга қайтгунига қадар, Агуэросиз ўйнашга мажбурмиз, - деди бош мураббий.

Хосеп Гвардиола анчадан бери тўпурар ҳужумчига эҳтиёж сезмоқда. Айни пайтда у “Боруссия” тўпурари Эрлинг Холандни олишни истаяпти.