Гвардиола ҳозирги кундаги дунёнинг энг яхши жамоасини айтди

"Манчестер Сити" бош мураббийи Хосеп Гвардиола Лондоннинг "Арсенал" жамоасини айни пайтда дунёдаги энг кучли футбол клуби, деб ҳисоблаётганини билдирди.

"Арсенал" — ҳозирги кунда дунёдаги энг яхши жамоа. Чемпионлар лигаси, Англия Премьер лигаси, Англия Кубоги ва Лига Кубогидаги ўйинларига қаранг. Умид қиламан, биз уларга яқинлаша оламиз. Улар эса бизга етиб олиш имкониятини беради", — дея Гвардиоланинг сўзларини келтиради "BBC".

Англия чемпионатининг 22-туридан сўнг "шаҳарликлар" турнир жадвалида иккинчи ўринни эгаллаб турибди ва "Арсенал"дан 7 очко орқада қолмоқда.

Эртага, 24 январь куни, "Манчестер Сити" ўз майдонида "Вулверхэмптон" жамоасига қарши баҳс олиб боради.