Gvardiola Husanovning jarohati qanchalik jiddiyligiga oydinlik kiritdi!

"Manchester Siti" bosh murabbiyi Xosep Gvardiola "Brayton"ga qarshi uchrashuvdan so‘ng asosiy tarkibda maydonga tushgan Abduqodir Husanov haqida gapirdi. 
 
"Abduqodir juda tezkor futbolchilar sirasiga kiradi. Uning ushbu tezligi tezkor hujumchilarga qarshi qo‘l keladi va u buni juda yaxshi uddalaydi. Ammo, afsuski, Abduqodir zarba qabul qilib oldi. Shuningdek, mushaklarida muammo bor edi. Shu bois, o‘yinni oxirigacha davom ettira olmadi. Menimcha, Husanovning ahvoli yaxshi, u o‘zini yaxshi his qilyapti..." - deya ta’rif berib o‘tdi ispaniyalik mutaxassis. 

 
Eslatib o‘tamiz, "shaharliklar" navbatdagi uchrashuvini 14 sentyabr kuni "Manchester Yunayted"ga qarshi o‘tkazadi. Mazkur to‘qnashuv Toshkent vaqti bilan 20:30’da start olishi rejalashtirilgan.