Гвардиола: "Клопп бошқа мураббийлар каби менинг рақибим"

"Манчестер Сити" бош мураббийи Пеп Гвардиола "Ливерпуль" бош мураббийи Юрген Клопп билан муносабатлари ҳақида гапирди.

"Мен Клоппни жуда ҳурмат қиламан. Албатта, у бошқа мураббийлар каби менинг рақибим. Аммо бу нарса унинг фаолиятига ва футбол учун қилган ишларига катта ҳурмат билан қарашимга тўсқинлик қилмайди", - дея испаниялик мутахассиснинг сўзларини келтиради "шаҳарликлар" матбуот хизмати.

Англия премьер-лигасининг 29-турида "Манчестер Сити" ўз майдонида "Ливерпуль"ни қабул қилади.

Ушбу ўйин олдидан мезбонлар турнир жадвалида иккинчи, меҳмонлар эса олтинчи ўринни эгаллаб турибди.