Гвардиола "Ливерпуль"га қарши учрашув эрта бошланишини танқид қилди

Пеп Гвардиола "Ливерпуль"га қарши ўйиннинг эрта бошланиши ҳақида гапирди.

АПЛнинг 13-турида “Манчестер Сити” ўз майдонида мерсисайдликларни қабул қилади. Ўйин бугун, 25 ноябрь куни бўлиб ўтади ва маҳаллий вақт билан 12:30да (Тошкент вақти билан 17:30) бошланади.

"Илтимос, бунинг учун "Манчестер Сити"ни айбламанг. Бизнинг бунга алоқамиз йўқ. АПЛнинг қадрини йўқотяпмиз. Ўйиннинг эрта бошланиши бизнинг айбимиз эмас”, - деди “шаҳарликлар” бош мураббийи.

Премьер-лиганинг 12-туридан кейин “Сити” 28 очко билан турнир жадвалида пешқадамлик қилмоқда. "Ливерпуль" 27 очко билан иккинчи ўринни банд этган.