Гвардиола “Манчестер Сити”ни қутқарадиган уч футболчи топди

Жорий мавсумни кутилган даражада ўтказа олмаётган “Манчестер Сити” таркибида ҳам жиддий ўзгаришлар бўлади.

Бош мураббий Хосеп Гвардиола ҳозирдан ўзига мос янги ижрочиларни танлай бошлади. Европа матбуотининг ёзишича, испаниялик мутахассис айни пайтда учта футболчини нишонга олган.

“Шаҳарликлар” майдон марказини “Бавария” юлдузи Йозуа Киммих ёрдамида кучайтирмоқчи. Гвардиола бу футболчига “Бавария”да ишлаган даврда устозлик қилган ва унинг имкониятларини жуда яхши билади. Қолаверса, Киммих ёзда эркин агент мақомини олади.

Марк Гэхи Англия Премьер-лигаси кашфиётларидан ҳисобланади. Манчестерликлар “Кристал Пэлас”ни январь ойидаёқ ҳимоячини қўйиб юборишга кўндирмоқчи. Агар бу трансфер ўхшамаса, Марк Гэхи масаласи ёзда ҳал этилади.

Учинчи номзод бир қатор клублар нишонида турган Жаррад Брэнтуэйт. “Эвертон”нинг 22 ёшли марказий ҳимоячиси жуда юқори савияда ўйнаяпти. Брэнтуэйтнинг ўзи ҳам гранд клублардан бирини танлашга мойиллик билдирган.