Гвардиола: "Мен уни "Сити"да абадий қолишини истардим"

"Манчестер Сити" бош мураббийи Хосеп Гвардиола жамоа сардори Бернарду Силванинг клубни тарк этиши ҳақидаги навбатдаги саволга жавоб берди.

31 ёшли португалияликнинг "шаҳарликлар" билан шартномаси ярим йилдан сўнг ўз ниҳоясига этади. Ярим ҳимоячининг келажаги ноаниқлигича қолмоқда.

"Мен Бернарду "Манчестер Сити"да абадий қолишини истардим. Мен буни клуб учун ҳам, ўзим учун ҳам хоҳлайман. Лекин биз Берни билан кўп гаплашдик, у ўзи ва оиласи учун нима яхши бўлишини ўзи ҳал қилиши керак.

Бу мавсумда нима бўлишидан қатъи назар, келаси ўн йил ичида у ушбу клубнинг шонли тарихида ўйнаган энг буюк футболчилардан бири бўлиб қолади", - деди испаниялик мутахассис.

Бернарду Силва 2017 йилнинг ёзида "Монако"дан "Манчестер Сити"га ўтган эди.