Гвардиола Мессига қандай баҳо берди?

“Манчестер Сити” бош мураббийи Хосеп Гвардиола “Барселона” етакчиси Лионель Мессига нисбатан ўз фикр ва мулоҳазаларини айтиб ўтди.

- Месси ҳайратланарли даражада кучли ва энг яхши ўйинчи. Бу унинг характери ва менталитетига тегишли баҳо. У ҳатто машғулотдаги учрашувларда ютқазишни ҳазм қила олмайди. Шундай бўлиб қолса, машғулотлардан чиқиб кетади. Бу унинг менталитети билан боғлиқ. Унинг маҳоратини алоҳида тилга олиш шарт эмас. Месси исталган жойда зўр ўйнай олади, - деди Хосеп Гвардиола.

Маълумки, Хосеп Гвардиола “Барселона”ни бошқарган даврда Лионель Месси бу устози қўл остида жуда кўп совринларга эга чиққан.

Жорий мавсумда аргентиналик ҳужумчи Испания чемпионлигидан қуруқ қолган бўлса, Гвардиола “Манчестер Сити”ни Англия премьер-лигаси ғолибига айлантирди ва энди Чемпионлар лигаси бош совринига даъвогар бўлиб турибди.