Гвардиола шогирди, АПЛдаги ҳозирги асосий рақибидан хурсанд

"Манчестер Сити" бош мураббийи Хосеп Гвардиола Лондоннинг "Арсенал" клуби бош мураббийи Микель Артетанинг муваффақиятини юқори баҳолади. "Канонирлар" устози бунгача "шаҳарликлар" таркибида Гвардиоланинг ёрдамчиси сифатида ишлаган.

"Мен Артетанинг муваффақиятидан жуда мамнунман. Микель ҳали ҳам у "Манчестер Сити"да бўлганида, кўп нарсани ўрганганимни билмайди", - деди испаниялик мутахассис "Тоттенхэм"га қарши ўйин олдидан ўтказилган матбуот анжуманида.

"Арсенал" айни дамда чемпионлик учун курашда манчестерликлардан 8 очко олдинда. Лондонликлар 2004 йилда Арсен Венгер муваффақият қозонганидан кейин биринчи марта АПЛ чемпионлигини қўлга киритишлари мумкин.